Қайд этилишича, университетда ўқитиш ўзбек, рус ҳамда инглиз тилларида таълимнинг кундузги, масофавий (онлайн) ва кечки шаклларида, кредит тизимига асосланган ҳолда амалга оширилади.
Университетда қуйидаги йўналишларда педагогик фаолият жорий қилинади:
- Иқтисодиёт;
- Ахборот технологиялари;
- Ҳуқуқшунослик;
- Халқаро муносабатлар.
Таъкидланишича, ўқув дастурининг маълум талаблари ва шартларини бажарган Талаба, университетни тугатгач иккита мутахассислик (double major) ёки асосий ва турдош мутахассислик (major + minor) бўйича диплом олиши мумкин.
Университет Тошкент шаҳрининг Матбуотчилар, Сайилгоҳ ва Ота Турк кўчалари кесишмасида жойлашган бинода фаолият бошлаши кўзда тутилмоқда.
