Тошкентдаги савдо марказлари одатий иш режимига қайтади, овқатланиш масканлари қисқартирилган режимда ишлайди

Воқеа-ҳодисалар 26 янв 2023, 15:32 1 638

Аномал совуқ об-ҳаво шароитида аҳолига электр энергия ва газ таъминотини узлуксиз етказиш мақсадида 15 январдан бошлаб Тошкент шаҳридаги бир қатор хизмат кўрсатиш объектларига соат 10:00 дан 17:00 гача вақтинча қисқартирилган режимда фаолият юритиш тавсия этилган эди.

Пойтахт ҳокимлиги бугун, 26 январдан бошлаб ҳаво ҳарорати яхшиланаётгани ва ҳолат барқарорлашаётгани боис барча савдо ва хизмат кўрсатиш шохобчалари, кўнгилочар савдо марказлари ва истироҳат боғларини доимгидек фаолият юритишга чақирди.

Ўз навбатида, Тошкент шаҳридаги озиқ-овқат дўконлари ва умумовқатланиш корхоналарининг вақтинча қисқартирилган режимда фаолият олиб бориши маълум қилинди.