“Fly Dubai” авиакомпаниясининг Тошкентдан Дубайга учаётган самолёти бортида авариявий ҳолат юзага келди. Бу ҳақда "Новости Tashkentского неба" манбаси хабар қилди.
Маълум бўлишича, ҳолат содир бўлган вақтда FZ-1942 йўловчи рейсини амалга ошираётган Boeing 737-8КН самолёти Эрон ҳудудида 36 минг фут баландликда учиб ўтаётган эди. Кутилмаганда оператор бортда авариявий ҳолат юзага келганини англатувчи “squawk 7700” сигналини берган.
Шундан сўнг экипаж белгиланган манзилга яқин бўлган Эроннинг Шероз шаҳридаги аэропортга қўнишга қарор қилади. Самолёт соат 7:36 да мувафаққиятли қўндирилган.
