Унинг таъкидлашича, биринчи инстанция суди томонидан ҳисобот даврида 605 та ариза кўриб тамомланган. Шундан 139 таси қаноатлантирилган, 351 таси рад этилган, 64 таси иш юритишдан тугатилган ҳамда 51 таси кўрмасдан қолдирилган.

Қайд этилишича, кўрилган ишлар сони ўтган йилнинг шу даврига нисбатан 15,7 фоизга камайган.

Шунингдек, давлат солиқ органлари, Бюджетдан ташқари пенсия жамғармаси, маҳаллий ҳокимликлар, Мажбурий ижро бюроси, Қурилиш вазирлиги ва унинг ҳудудий бошқармалари мансабдор шахсларининг хатти-ҳаракатларини қонунга хилоф деб топиш ҳамда улар чиқарган қарорларни ҳақиқий эмас деб топиш билан боғлиқ ишлар нисбатан кўпроқ кўрилгани айтилди.

Маҳаллий ҳокимликларга нисбатан берилган ариза ва шикоятлар юзасидан 38 та иш кўрилган. Уларнинг 12 таси қаноатлантирилган, 22 таси рад этилган.

Аризаларнинг қаноатлантирилиши натижасида эса 6 та ҳоким қарори ҳақиқий эмас деб топилган.