Uning taʼkidlashicha, birinchi instansiya sudi tomonidan hisobot davrida 605 ta ariza ko‘rib tamomlangan. Shundan 139 tasi qanoatlantirilgan, 351 tasi rad etilgan, 64 tasi ish yuritishdan tugatilingan hamda 51 tasi ko‘rmasdan qoldirilgan.

Qayd etilishicha, ko‘rilgan ishlar soni o‘tgan yilning shu davriga nisbatan 15,7 foizga kamaygan.

Shuningdek, davlat soliq organlari, Byudjetdan tashqari pensiya jamg‘armasi, mahalliy hokimliklar, Majburiy ijro byurosi, Qurilish vazirligi va uning hududiy boshqarmalari mansabdor shaxslarining hatti-harakatlarini qonunga xilof deb topish hamda ular chiqargan qarorlarni haqiqiy emas deb topish bilan bog‘liq ishlar nisbatan ko‘proq ko‘rilgani aytildi.

Mahalliy hokimliklarga nisbatan berilgan ariza va shikoyatlar yuzasidan 38 ta ish ko‘rilgan. Ularning 12 tasi qanoatlantirilgan, 22 tasi rad etilgan.

Arizalarning qanoatlantirilishi natijasida esa 6 ta hokim qarori haqiqiy emas deb topilgan.