Тасвирларга қараганда, Toyota Land Cruiser 300 дастлаб олти бурчакли радиатор панжараси, квадрат LED оптикаси ва катта ғилдирак камарлари билан яратилган. Бундан ташқари, автомобилнинг олд ва орқа қисмларида қора порлаб турадиган панеллар режалаштирилган эди. Кейинги эскизларда дизайнерлар классик нисбатларни сақлаган ҳолда машинани кичикроқ фаралар ва чироқлар билан жиҳозлашни таклиф қилишди.
Land Cruiser 300 ички қисмида қўшимча сенсорли панеллар пайдо бўлиши мумкин, улар марказий экран остига жойлашган бўлади. Энг ғайри оддий ечим — бу қаттиқ сенсорли экранга айлантирилган марказий тунельдир. Бироқ япониялик мутахассислар классик моделлар ва ўртача интерьер услубини танлаб, автомобил билан кескин тажриба ўтказишга журъат эта олишмади.
Лойиҳанинг бош дизайнери Масаки Окуэ “янги моделни ишлаб чиқишда унинг асосий рақиби аввалгиси” бўлганини айтди. “Land Cruiser ўзининг инкор этиб бўлмайдиган QDR (сифати, чидамлилиги, ишончлилиги) билан ажралиб туради, бу эса унга аввалгисидан мерос бўлиб ўтди. Шундай қилиб, биз унинг илдизларига қайтдик, янги қадриятларни қўшдик ва “бутунлай ҳақиқий” Land Cruiser яратишни мақсад қилдик. Дизайнни ишлаб чиқиш қийин эди, лекин мен натижадан фахрланаман”, — деди у.
