АҚШ президенти Дональд Трамп футбол бўйича Эрон миллий терма жамоасининг 2026 йилда АҚШ, Мексика ва Канадада бўлиб ўтадиган жаҳон чемпионатида иштирок этишини олқишлайди. Бу ҳақда ФИФА президенти Жанни Инфантино ўзининг Instagram саҳифасида хабар берди.
"Бугун кечқурун мен АҚШ президенти Дональд Трамп билан бўлажак жаҳон чемпионатига тайёргарлик жараёнини муҳокама қилиш учун учрашдим. Эрондаги ҳозирги вазият ҳақида ҳам гаплашдик. Муҳокама чоғида Трамп Эрон жамоасини кутишаётганини ва у турнирда иштирок этиши мумкинлигини тасдиқлади. Барчамизга ҳозир одамларни бирлаштириш учун жаҳон чемпионати каби тадбир керак. Мен АҚШ президентига қўллаб-қувватлагани учун чин дилдан миннатдорчилик билдираман, чунки бу футбол дунёни бирлаштиришини кўрсатади," деб ёзди Инфантино.
Маълумот ўрнида, мундиал жорий йил 11 июндан 19 июлгача АҚШ, Канада ва Мексикада бўлиб ўтади. Ўзбекистон миллий терма жамоаси ушбу мундиалда тарихда илк бор иштирок этади. Мундиалда Фабио Каннаваро бошчилигидаги Ўзбекистон МТЖ "К" гуруҳида Португалия, Колумбия, ва Янги Каледония, Ямайка, Конго ДР терма жамоалари ғолиби билан бир гуруҳдан жой олган.
