АҚШ Президенти Дональд Трамп NBC News телеканалига берган интервьюсида Россия бўйича “муҳим баёнот” беришини айтди.
Унинг сўзларига кўра, у “Россиядан ҳафсаласи пир бўлган”. “Аммо биз кейинги бир неча ҳафта ичида нима бўлишини кўрамиз”, деди Трамп.
“Ўйлайманки, душанба куни Россия бўйича муҳим баёнот билан чиқиш қиламан”, деб қўшимча қилди Оқ уй раҳбари, бироқ тафсилотларни келтириб ўтмади.
Трамп АҚШ, НАТО ва Украина ўртасида Америка қуролларини етказиб бериш бўйича “янги келишув” тафсилотларини ошкор қилди. Ғоя шундан иборатки, АҚШ НАТОга қурол жўнатади, кейин эса альянс уларни Украинага етказиб беради ва пулини тўлайди, дея тушунтирди у. Президентнинг сўзларига кўра, ўтган ой НАТО саммитида келишувга эришилган, деб хабар беради rbc.ru.
“Биз НАТОга қурол жўнатамиз ва НАТО бу қуролларнинг тўлиқ нархини қоплайди”, деб тушунтирди Трамп.
