Бу ҳақда BILD нашри хабар берди.
Трумп маъмурияти “қаернидир забт этиш учун у ерга бориш” ёки “бировнинг ерини олишга” уриниш ниятида эмас, деди Лэндри Fox News телеканалида. Аксинча, унинг сўзларига кўра, режа АҚШ ва Гренландия ўртасидаги миллий хавфсизлик ва иқтисодиёт соҳаларида ҳамкорликни кенгайтиришдан иборат.
Нашрнинг ёзишича, махсус вакил буни Гренландияни стратегик аҳамиятга эга ва ресурсларга бой оролнинг келажакдаги муносабатини муҳокама қилиш учун АҚШ билан “иқтисодий стол”да ўтиришга таклиф сифатида баҳолаган.
Аввалроқ Оқ уй орол ҳукумати билан тўғридан-тўғри алоқалар ўрнатиш учун республикачи губернатор Жэфф Лэндрини АҚШнинг Гренландия бўйича махсус вакили этиб тайинлагани хабар қилинганди.
Жорий йилнинг январь ойида АҚШ Президенти Дональд Трамп Панама канали ва Гренландия устидан назоратни қўлга киритиш учун ҳарбий куч ишлатиш имкониятини кўриб чиқишини маълум қилган эди, деб хабар берди inform.kz.
