АҚШ Президенти Дональд Трампнинг номзоди Тинчлик бўйича Нобель мукофотига илгари сурилмоқда. Бу ҳақда конгрессмен Даррел Исса маълум қилди, деб ёзади The Hill.
“Бугун мен АҚШ Президенти Дональд Трампнинг номзодини тинчлик бўйича Нобель мукофотига илгари сураман. Ҳеч ким бу мукофотга у каби лойиқ эмас”, деб ёзади Исса ижтимоий тармоқда.
Кейинги баёнотида Исса аппарати бошлиғи ўринбосари ва коммуникация бўйича директори Жонатан Уилкокс Трампнинг Яқин Шарқдаги тинчлик бўйича саъй-ҳаракатларига ишора қилди.
“Конгрессмен Исса яқинда Яқин Шарқнинг тўрт давлатига Конгресс делегациясига бошчилик қилди – у тинчлик ва можародан узоқлашиш руҳи ҳақиқий ва кўп томонлама эканлигини ўз кўзи билан ва бир қанча давлат раҳбарлари орқали кўрди”, деди Уилкокс.
Унинг сўзларига кўра, Трамп сайланган ва қасамёд қилган пайтдан бери тинчликка “биз кўп йиллар давомида эшитмаган тарзда” илҳомлантирди ва уни илгари сурди, деб хабар беради korrespondent.net.
“Унинг тарғиботи урушсиз дунёга интилишдир ва биз бугунги кунда дунёнинг бир эмас, бир неча қисмида бунга эътибор қаратилаётганини кўраяпмиз”, деди Уилкокс.
