Ҳолат юзасидан Туризм қўмитаси муносабат билдирди.
Маълум қилинишича, мазкур ҳолат юзасидан жорий йилнинг 20 сентябрь куни Ўзбекистон Республикаси коррупцияга қарши курашиш агентлиги томонидан келиб тушган тақдимномага биноан, Туризм қўмитаси ҳузуридаги “Миллий PR-маркази” ДУК директори Д. Самандарованинг “Avtoimkon Trade” МЧЖ таъсисчилигидаги фаолиятини тугатиш, тадбиркорлик фаолияти билан шуғулланмаслик ва келгусида шу каби ҳолатларга йўл қўймаслик ҳақида расман огоҳлантириш ўтказиш ва тушунтириш ишлари олиб бориш чораларини кўриш сўралган.
Юқорида келтирилган тақдимномага биноан Қўмитанинг ишчи гуруҳи тузилиб, хизмат текшируви олиб борилмоқда.
Қўмита ушбу ҳолатни алоҳида назоратга олганини ҳамда текширув натижаси юзасидан Коррупцияга қарши курашиш агентлигига белгиланган муддатларда ахборот тақдим этилишини маълум қилган.
