Айни кунларда Самарқанд давлат чет тиллар институти ректори Илҳомжон Тўхтасинов бошчилигидаги делегация Туркия олийгоҳларига расмий ташрифларни амалга оширмоқда.
Сафарнинг биринчи куни СамДЧТИ ректори Илҳомжон Тўхтасинов ва Истанбул университети ректори Маҳмут Аклар иштирокида расмий учрашув ташкил этилди.
Учрашувда икки олий таълим муассасаси ўртасида кенг қамровли ҳамкорлик муносабатларини ўрнатиш, жумладан СамДЧТИда турк тили ва адабиётини ўқитишни ривожлантириш ҳамда хорижликларга ўзбек тилини хорижий тил сифатида ўқитиш бўйича ҳамкорлик имкониятлари муҳокама қилинди. Учрашув якунида ўзаро ҳамкорлик Меморандуми имзоланди.
СамДЧТИ Ахборот хизмати
