Маданият вазири Камола Акилова бошчилигидаги делегация Туркияга маданий объектлар реставрациясини ўрганиш мақсадида жўнаб кетгани ҳақида маълум қилган эдик.
Мазкур делегация мамлакатнинг энг қадимий ёдгорликларидан бири "Gazxona" тарихий иншоотида бўлдилар. Бу иншооот айни пайтда истанбулликларнинг фахрига айланиш арафасида. Тарихий объект ўзида замонавийлик ва қадимийликни уйғунлаштирган бўлиб, ўз жозибадорлиги билан ташриф буюрувчиларни мафтун этиши аниқ.
Делегациямиз мазкур объектда қадимийликни сақлаб қолган ҳолда амалга оширилган реставрация ишлари билан танишар экан, бу тажрибани Ўзбекистондаги маданий мерос объектларида қўллаш лозимлигини ва бу орқали сайёҳлар оқимининг салмоғи кўпайишини таъкидлади.
Эътиборли жиҳати эса мазкур тарихий ёдгорлик ўзида кутубхона, ресторан, театр, концерт зал , музей каби масканларни мужассам этган ва ҳақиқий маънода илм масканига айлантирилган.
