Машҳур ижтимоий тармоқдаги биринчи твит 15 йиллар олдин ёзилган. Дорси қисқа жумла ёзган: «Шунчаки ўзимнинг твитеримни созлаяпман».
Тарихий твит Valuables онлайн аукционида пайдо бўлган. Аукцион шартларига кўра, ушбу постни харид қилган инсон «муаллиф томонидан имзоланган ва текширилган ноёб рақамли сертификат»ни ҳам қўлга киритади. Гап ўзига хос рақамли имзо ҳақида кетмоқда.
Пост сотувга қўйилганига қарамай, олдингидек Twitterда трансляция қилинаверади.
Ҳозирча Дорсининг твити учун берилган энг юқори нарх 2,5 миллион долларни ташкил этмоқда. Бу каби нархни таклиф этган инсон — Bridge Oracle бош директори Хакан Эстави. Эҳтимолий харидор аслида ушбу твит учун бундан ҳам кўпроқ тўлашга тайёрлигини билдирган. У 10 миллион долларгача беришга тайёр.
