Энди УЕФА Россиянинг йирик “Газпром” компанияси билан Чемпионлар лигаси, миллий жамоалар иштирокидаги саралаш босқич баҳслари ва Евро-2024 ўйинлари доирасида ҳамкорлик қилмайди.
Аввалроқ, ФИФА ва УЕФА Россиянинг мамлакат миллий жамоалари ҳамда клубларини барча халқаро футбол турнирларидан четлатганини эълон қилганди.
Tribuna.uz хабарида айтилишича, УЕФА ва Россиянинг йирик энергетика компанияси ўртасидаги шартнома 2021 йилнинг май ойида узайтирилиб, унга кўра Европа футбол иттифоқи “Газпром” билан ҳамкорликдан йилига 40 миллион еврогача даромад топиши айтилганди.
Шунингдек, Германиянинг “Шальке” клуби ҳам ўзига 2007 йидан буён ҳомийлик қилиб келаётган “Газпром” билан шартномани бекор қилди.
