Ўтказилган савдо натижаларига кўра, биржанинг ун бозори нарх бўйича кичик пасайишни намоён этди. Хусусан 1-навли уннинг биржадаги нархи аввалги кунга нисбатан маҳсулотнинг бир тоннаси учун 4 497,8 минг сўмдан 4 475,1 минг сўмгача тушди.
Сотувчи корхоналар томонидан биржа савдоларига 10,0 минг тонна 1-навли ун қўйилди ва улардан 9,4 минг тоннаси, яъни 94 фоизи сотилди. Биржа савдоларида сотилмаган қолдиқ уннинг ҳажми 611 тоннани ташкил этди.
Шу билан бирга, ун бўйича ўтказилган биржа савдоларида иштирок этган харидорларнинг сони 2 822 тадан 3 441 та иштирокчигача кўпайди. Шу жумладан 44 та Тошкент нон ишлаб чиқарувчи корхоналар биржа савдоларида жами 721 тонна 1-навли ун сотиб олишди.
