Урганч туманида қумни рухсатсиз қазиб олган шахслар жазоланди

Яшил сайёра 2 сен 2020, 15:05 1 252

Хоразм вилояти Экология ва атроф-муҳитни муҳофаза қилиш бошқармаси давлат инспекторлари томонидан 2020 йил 28 август куни ўтказилган назорат рейд тадбирлари давомида, Урганч тумани Қорамон қишлоғи ҳудудидан фуқаро Р.Атажанов ўзига тегишли бўлган юклагич ёрдамида, умумтарқалган фойдали қазилма бўлмиш қумни ҳеч қандай рухсатсиз қазиб олиб, юк автомобилларига ортиб тургани аниқланди.

Фуқаро Р.Атажанов бу ҳаракатлари билан табиатни муҳофаза қилиш тўғрисидаги конуннинг 18-моддаси талабларини бузиб, Маъмурий жавобгарлик тўғрисидаги кодекснинг 70-моддаси 1-қисмида назарда тутилган ҳуқуқбузарликни содир қилганлиги учун, унга нисбатан базавий ҳисоблаш миқдорининг 10 баробари (2,23 млн сўм) миқдорида маъмурий жарима қўлланилди.