Мазкур фильм ўзбек снайпер қизининг Иккинчи жаҳон урушида кўрсатган жасорати ва бошидан кечирганлари ҳақида ҳикоя қилади. Шунингдек, аёлларнинг фронтга жалб этилиши, урушдаги қийинчиликлари гавдалантирилади. Режиссёрнинг фикрича, мазкур картина Зебо Ғаниева каби урушда мардонавор иштирок этган аёлларга бағишланади.
Съёмка жараёнлари Тошкент вилояти ҳамда Беларусь давлатида бўлиб ўтиши белгиланган. Фильмнинг постановкачи режиссёри Акбар Бектурдиев Беларусда ижодий сафарда бўлиб қайтди. Фильм воқеаларининг асосий қисми Беларусь давлатида содир бўлади. Ҳозирда кастинг жараёнларига тайёргарлик ҳамда ижодий гуруҳ томонидан тасвирга олиш жойлари кўздан кечирилмоқда.
"Ўзбеккино" Миллий агентлиги Ахборот хизмати
