Республика бўйича барча жойларда ёмғир ёғди, тоғ олди ва тоғли ҳудудларда кучли бўлди. Баланд тоғли ҳудудларда баъзи жойларда ёмғир қорга айланди.
Баъзи жойларда шамол 15-20 м/с гача кучайди, айрим пунктларда эса кучайиш 22-25 м/с гача бўлди.
Бугун Ўзбекистон ҳудуди бўйича ҳавонинг ўзгариб туриши, ёғингарчиликсиз об-ҳаво бўлиши кутилмоқда. Куннинг ўртасига келиб, марказий ва шарқий ҳудудларда ҳаво 15-17° илиққача, шимолий ва жанубий ҳудудларда 20-25° илиққача исийди.
6 апрелда республиканинг шимолий ҳудудларига Эрон ҳудудларидан илиқ ва қуруқ ҳаво массалари кириб келиши бошланади. Ўзбекистон бўйича ёғингарчиликсиз об-ҳаво бўлиши кутилмоқда, фақат тоғ олди ва тоғли ҳудудларда баъзи жойларда ёмғир ёғиши мумкин. Кундузи ҳаво ҳарорати 18-20° илиққача исийди ва меъёрий қийматларга яқинлашади.
7-9 апрелда илиқ ҳаво массалари Ўзбекистоннинг барча ҳудудларига тарқалади. Асосан кам булутли об-ҳаво бўлиши кутилмоқда. Марказий, шарқий ҳудудларда кундузги ҳаво ҳарорати 23-26° илиққача, шимолда ва жанубда 27-32° илиққача аста-секин кўтарилади, бу ўртача кўп йиллик қийматлардан 2-3° га кўпдир, деб хабар беради Ўзбекистон гидрометеорология хизмати маркази
5-9 апрелда Тошкент ва Наманган вилоятларининг тоғли ҳудудларида 1 600 метрдан юқорида қор кўчиши хавфи бор.