Маданият ва санъатни ривожлантириш жамғармаси томонидан ноёб тарихий бино — жадидчилик ҳаракати етакчиларидан бири Усмонхўжа Пўлатхўжаевнинг уйи давлат тасарруфига қайтарилди.
150 йиллик ушбу иншоот кўркам Бухоро меъморчилигининг мукаммал сақланиб қолган ноёб намунасидир.
Уй нафақат унда машҳур жадид вакили яшаганлиги, балки айнан шу ерда илк янги усул мактабларидан бири очилгани, унда турли фанлар бепул ўқитилгани билан ҳам машҳурдир. Охирги вақтларда у хусусий мукл ҳисобланиб, меҳмонхонага айлантирилган эди.
Энди уйда жадидчилик тарихига бағишланган музей ташкил этилади. Унда нафақат экспозиция жойлаштирилиши, балки илмий-тадқиқот фаолияти учун ҳам шароитлар яратилиши режалаштирилган.
Бу ҳақда Президент Администрацияси Ижро этувчи аппаратининг Коммуникациялар ва ахборот сиёсати бўйича шўъба мудири Саида Мирзиёева телеграм каналида маълум қилди:
