Бу ҳақда «Ўзбекистон аэропортлари» АЖ ахборот хизмати хабар қилди.
Ушбу тизим бўйича биринчилардан «Наманган» халқаро аэропорти «Уральские авиалинии» авиакомпаниясининг Наманган-Москва йўналиши бўйича қатновга ушбу янги тизим бойича хизмат кўрсатди. Бортида 222 та йўловчилари бўлган самолёт бугун, маҳаллий вақт билан 06:25 да, ҳавога кўтарилди. Янги рўйхатга олиш тизими бўйича иккинчи қатнов ҳам 12 январь куни соат 03:00да Наманган аэропортидан Екатеринбургга амалга оширилади.
«Илгари барча аэропортлар миллий авиакомпаниянинг битта рўйхатдан ўтиш тизимидан фойдаланарди. Кейинчалик аэропортлар учун ўзларининг рўйхатга олиш тизимига эга бўлиш эҳтиёжи туғилди. Uzbekistan Airports Sirena Travel компаниясининг Astra DCS тизимини танлади. Ўзбекистоннинг барча 11 та халқаро аэропортларида, ўзининг рўйхатга олиш тизимига эга бўлмаган барча авиакомпаниялар учун ҳам, ушбу тизимга ўтиш босқичма-босқич отилади. Astra DCS тизими график интерфейсга эга бўлиб, йўловчилар ва юкларни тез ва қулай тарзда рўйхатдан ўтказиш имконини беради», — дейди «Uzbekistan Airports» АЖ Бошқаруви раисининг биринчи ўринбосари Жавлон Умархўжаев.
Таъкидлаш жоизки, ушбу ижрочи очиқ танлов тартиб-таомиллари натижалари асосида танланган. Sirena Travel компаниясининг Astra DCS — йўловчилар ва багажни рўйхатдан ўтказиш жараёнининг барча зарур операцияларини автоматик равишда бажарилишини таъминлайдиган замонавий кўп тилли хостинг тизим.
