2023 йил 15 июн куни Uzbekistan Airways бош офисида кичик гуруҳ йўловчиларини ташиш учун ички йўналишларда рейслар сонини кўпайтириш, шунингдек, республикада ички туризмни ривожлантириш мақсадида Чехиянинг LET Aircraft Industries концернининг LET L-410 турбовинтли ҳаво кемаларини сотиб олиш бўйича шартнома имзоланди.
Ушбу ҳаво кемаларини қисқа учиш-қўниш йўлакларида қўллаш ва республика ичидаги Зарафшон ва Шаҳрисабз, Андижон шаҳарлари каби йўналишлар тармоғини кенгайтириш режалаштирилган.
