Янги коронавирус инфекциясига қарши вакцинанинг клиник тадқиқотлари болалар учун 2021 йилнинг бошида бошланиши мумкин, деб хабар берди Гамалея номидаги эпидемиология ва микробиология Илмий тадқиқот маркази директори Россия фанлар академияси академиги Александр Гинсбург.
Катталар учун синовнинг, учинчи босқичини тугатганимиздан кейин, янги йилнинг бошида аҳолининг 18 ёшдан кичик қисмига навбат келади. Бу, ўйлайманки, августда бошланади ва беш ойча чамаси, яъни йилнинг охиригача давом этади, деб ахборот берган олим ТАССга.
Ҳозир коронавирус инфекциясига қарши биринчи Россия вакцинасини ишлаб чиқарувчилар мамлакатнинг бошқа етук педиатрлари билан биргаликда вакцинани болаларда синашга рухсат олиш учун керакли ҳужжатларни тайёрлаяпти. Ундан аввал Гинсбург янги вакцинани болаларда синашдан аввал кўнгилли катталардаги синов янги воситанинг бехавф эканлиги кўрсатганидан сўнгина бошлаш мумкин деб тушунтирган.
Шунингдек, Гинсбург коронавирусга қарши янги вакцинанинг янги коронавирусга қарши доимий иммунитет яратиши амри маҳол эканлигини таъкидлаган. У эмлашни бир неча йил давом эттиришни таклиф этган.
