Ватанга қасамёд онага қасамёддир

Маданият 1 дек 2021, 15:37 9 441

Ҳозирги кунда Ўзбекистон Республикаси Қуролли Кучларини ислоҳ қилишнинг асл моҳияти Миллий армиямиз, жангчиларимиз қалбида Ватанга муҳаббат ва садоқат, улуғ саркардаларимизга муносиб фазилатларни шакллантириш, юксак маънавий ақл-идрок ҳамда мустаҳкам иродани тарбиялаш, касбий маҳоратни ошириш, профессионализм, аъло даражадаги жанговар тайёргарликни таъминлашга қаратилмоқда. Зеро, Янги Ўзбекистонимиз мудофаа тизимидаги ислоҳотлардан кузатилаётган асосий мақсад мамлакатимиз хавфсизлиги ва халқимиз тинчлигини таъминлашдир.

Шу эзгу мақсадлар йўлида ҳарбий шифокор ва ижодкор Искандар Раҳмоннинг Ватанга қасамёд онага қасамёддир деб номланган шеърлар китоби ҳамда Ассалом, улуғ юрт, қутлуғ армиям! деб номланган ҳарбиёна тароналар ва саф қўшиқлар тўплами чоп этилди.

Мазкур китоблар Ўзбекистон Республикаси Қуролли Кучлари ташкил этилганлигининг 30 йиллиги олдидан нашрга тайёрланди. Ҳарбий-ватанпарварлик руҳидаги ушбу мўъжаз тўпламлар Ватанимиз ҳимоячилари, бўлажак аскарларимизга доимий ҳамроҳ ва мададкор бўлади, деган умиддамиз. Президентимиз Шавкат Мирзиёев, Армия фақат қурол ва аслаҳа билангина кучли ҳисобланмайди. Армия аввало она Ватан учун жонини ҳам аямайдиган ҳарбийлар аскар ва сержантлар, офитсер ва генераллар билан қудратлидир, дея бежиз таъкидламаган. Қуролли кучлар фахрийси, истеъфодаги тиббий хизмат подполковниги, Ўзбекистон Ёзувчилар ва Журналистлар ижодий уюшмалари аъзоси Искандар Раҳмон ҳам ўз мисраларида асл ватанпарвар ва фидойи ўзбек ўғлонларини ўз аждодларига муносиб издош бўлишга ундайди.

АССАЛОМ АРМИЯМ, УЛУҒ ОСТОНАМ!

Ассалом армиям, улуғ остонам,

Онадай мўътабар, қутлуғ остонам!

Бағрингда тўламиз кучга, қувватга,

Измингда бўламиз мардона ҳар дам!

Армиям, қир, адир, тоғлар маконинг,

Дарёлар, чўл, саҳро жону жаҳонинг!

Осмонинг, сарҳадинг эрур дахлсиз,

Токи бор сафларда жасур посбонинг!

Сен мардлик мактаби сабоғидирсан,

Тинчлик ва адолат байроғидирсан!

Мустақил юртимиз Ўзбекистонда,