Дезинфекциялаш воситаларини, шу жумладан совун ёки алкоголга асосланган воситаларни тез-тез ишлатиш дерматитни қўзғатиши мумкин. Тирнаш хусусиятига эга таъсир натижасида терининг қизариши ва яллиғланиши юзага келади. Қўл ювиш учун суюқ ҳолатдаги ювиш воситаларининг кенг қўлланилишига қарамай, уларнинг вирусларга қарши таъсири ҳақида далиллар кам эди.
Иш давомида олимлар антибактериал совунлар, табиий совунлар, совун кўпиклари ва ваннани ювишга мўлжалланган хлор асосидаги маҳсулотларни синовдан ўтказишди, уларнинг норовирус ва аденовирусаулардан фарқли равишда қўшимча ҳимоя қатламига эга бўлган вирусларни, масалан коронавирус ва гриппни зарарсизлантириш қобилиятини ўрганишди.
Натижалар қаттиқ совунлардан кўра суюқ ҳолатдаги ювиш воситаларидан фойдаланиш ҳимоя қобиғига эга вирусларни бартараф этишда самарали эканини кўрсатди.
Бироқ қобиқсиз вируслар синовдан ўтган қўл ювишнинг барча воситаларига нисбатан кўпроқ қаршилик кўрсатди. Норовирус энг чидамли бўлиб чиқди – тадқиқотчилар совун таъсир қилиш вақтини 20 сониядан бир дақиқага оширганда ҳам вирус омон қолди. Патогенни йўқ қилган ягона восита хлорга асосланган оқартиргич эди, аммо у терига қўллашга ярамайди, деб хабар беради lenta.ru.
