Шу тариқа "Visit Uzbekistan" Covid-19 пандемияси натижасида глобал ўзини-ўзи яккалаш мавзуси бўйича креатив муқова ишлаб чиқиш бўйича жаҳон трендларига қўшилди. Долзарб мавзудаги муқовада иқтидорли суратчи Canoniy Photography томонидан Хиванинг илҳомбахш фонида олинган ёрқин сайёҳ образи иллюстрация қилинган. У ўзида анъаналар руҳияти ҳамда замонавий тенденция ва воқеликни бирлаштиради. Мазкур муқовани яратишдан кўзланган мақсад барчага саёҳатлар вақтинча чекланган бўлишига қарамай, бизнинг тасаввур ва орзуларимиз чегаралари доимо очиқ эканлигини ҳамда биз яхшилик ҳақида ўйлаб, фикрларимизни ижобий томонга йўналтиришимиз кераклигини эслатишдан иборатдир.
— Ҳаммаси онгимиздан бошланади. Мода ва саёҳат эса бизни илҳомлантириш ва фикрларимизни ўзгартириши мумкин. Орзулар оламидаги сайёҳ образини яратишда мен "пижама услуби" ва ўзбек этник мотиваларини уйғунлаштиришга қарор қилдим, зеро ишонаманки, тез орада "шаҳарга қайтганимизда" айнан шундай образ долзарб бўлади — дейди Azucar Moreno бренди асосчиси ва дизайнери Камола Рустамова.
Бундан ташқари, карантин шароити, шунингдек, дунё бўйлаб журнал ўқувчиларининг кўп сонли илтимосларини инобатга олган ҳолда, таҳририят ўз тарихида биринчи марта янги соннинг электрон версиясини ўқиш имкониятини таққдим этди. Шундай экан, "Visit Uzbekistan"нинг 24-сонини Issuu халқаро платформасида кўриш мумкин. "Visit Uzbekistan" журналининг янги сони алоҳида аҳамиятга эга, чунки у бутун жамоа учун ноодатий бўлган масофавий шароитларда яратилган. Шунга қарамай, журнал яна бир бора ўз мақсадига - Ўзбекистоннинг гўзаллиги ва бой маданиятини турли томонлардан намойиш қилишга эришди. Қадимий меъморчилик ҳақидаги ажойиб ҳикоялар, Ўзбекистоннинг баҳорий кўркам манзаралари, мамлакатдаги соғлом овқатланиш трендлари, Dance4Uzbekistan ижтимоий лойиҳаси ва бошқа кўплаб қизиқарли мақолалар журналнинг янги сонидан ўрин олган. Шунингдек, сиз Ўзбекистоннинг Буюк Британиядаги элчиси Софи Ибботсоннинг "Visit Uzbekistan" журнали учун махсус тайёрланган Навоий ҳақидаги мақоласини ўқишингиз мумкин. Журнални ўқиб чиққан ҳар бир меҳмон Ўзбекистон бўйлаб кичик виртуал саёҳат қилиши ва келажакда мамлакатга ташриф буюриши учун илҳомланишига умид қилмоқда. Қийинчилик ва синовли кунарга қарамай, ўзбек халқи доимо меҳмондўстлигича қолган ва шу боис журнал бутун дунё сайёҳларини мамлакатимизда меҳмон бўлишга ва халқимизнинг ўзига хос турмуш тарзини ўз кўзлари билан кўришга илҳомлантиради.
