Хусусан, бугун Навоий шаҳридаги «НКМК тарихи» музейида корхона ишчи-ходимлари иштирокида комбинат томонидан ўз фаолияти очиқлигини таъминлаш, коррупциявий хавф-хатарларнинг олдини олиш ва бартараф этиш, соҳада коррупцияга қарши курашиш замонавий тизимларини жорий этиш каби масалаларга бағишланган тарғибот тадбири ўтказилди.
Тадбирда Ўзбекистон Республикаси Коррупцияга қарши курашиш агентлигининг масъул ходими М. Расулов, Тоғ-кон саноати ва геология вазирлиги Коррупцияга қарши ички назорат (комплаенс-назорат) бўлими бошлиғи Ш. Сагдуллаев, «НКМК» АЖ бош директори ўринбосари Қ.Тапаров ҳамда Комплаенс хизмати бошлиғи Р. Авезовларнинг мавзуга оид маърузалари эшиттирилди.
Комбинатда коррупцияга қарши курашиш ҳамда очиқлик ва шаффофликни таъминлаш соҳаларида 2024 йилнинг ўтган даври давомида амалга оширилган ишлар хақида ҳисобот берилди.
Шу билан бирга, жорий йилда комбинатнинг Марказий аппарати «SERT International» халқаро сертификатловчи ташкилот томонидан ўтказилган икки босқичли ташқи аудит якуни бўйича ИСО 37001:2016 «Коррупцияга қарши курашиш менежмент тизими» халқаро стандарт талабларига мувофиқлиги тасдиқланди ва халқаро сертификат қўлга киритилди.
Бугунги кунда комбинат фаолиятида очиқлик ва шаффофликни таъминлаш, коррупциявий ҳаракатларни олдини олиш ва бартараф этишга катта эътибор қаратилаётганлиги таъкидлаб ўтилди.
«НКМК» АЖ Комплаенс хизмати.
Реклама
