ХХР Дори воситалари устидан назорат қилиш Давлат бошқармаси вакили Ян Шэннинг хабар беришича, ҳозирги вақтда COVID-19га қарши 11 та Хитой вакцинаси клиник синовдан ўтяпти. Улардан тўрттаси эса Хитойнинг чет эллик ҳамкорлар билан ўтказаётган синовнинг сўнги босқичида.
China National Biotec Хитой корпорацияси томонидан ишлаб чиқарилган иккита инактивированний, бошқача қилиб айтганда «сўндирилган» вакцина Яқин Шарқ мамлакатларида клиник синовнинг учинчи босқичини ўтаяпти. Бунда 35 мингдан зиёд киши эмланган, деб хабар беради ХХР Фан ва технологиялар вазирлиги вакили У Юаньбинь. Унинг таъкидлашича, давом этаётган синовлар вакцинанинг юқори хавфсизлиги ва унда оғир асоратларнинг мавжуд эмаслиги ҳақида гувоҳлик бераётган экан.
Sinovac Biotech томонидан ишлаб чиқарилган COVID-19га қарши яна бир сўндирилган вакцина Жанубий Америка ва Жанубий-Шарқий Осиё мамлакатларида клиник синовнинг учинчи босқичини ўтаяпти.
Хитой ҳарбий фанлар академияси ҳузуридаги Ҳарбий тиббиёт институти ва CanSino Biologics компанияси томонидан аденовирус векторига асосан ишлаб чиқарилаётган яна бир вакцина Европа ва Осиёнинг баъзи мамлакатларида клиник синовнинг учинчи босқичидан ўтказилиши учун маъқулланган, деб хабар беради Хитойнинг Ўзбекистондаги Элчихонаси матбуот хизмати.
