Унда геномик ва биотехнологик тадқиқотларни ривожлантириш учун Ўзбекистонга инвестицияларни жалб этиш масалалари муҳокама этилди. Хусусан, генетик паспорт ва ирсий касалликлар ташувчилари скринингини жорий этиш технологияларини трансфер қилиш бўйича келишувга эришилиб, республикада Миллий биобанкни ташкил этиш лойиҳасини амалга ошириш йўллари белгилаб олинди.
Хитой томони янги туғилган чақалоқларни 48 та метаболик касалликлар бўйича скринингдан ўтказиш соҳасида мамлакатимизда амалга оширилаётган “Genscreen” қўшма корхонасининг пилот лойиҳасини юқори баҳолади ва томонлар республика аҳолиси учун генетик тадқиқотлар кўламини кенгайтириш йўлларини белгилаб олдилар, деб хабар беради Олий таълим, фан ва инновациялар вазирлиги матбуот хизмати.
Осиё ва жаҳондаги етакчи компаниялардан бири — Beijing Genomics Institute 1999 йилда инсон геномини ўқишга қаратилган фаолиятини бошлади. Компания 23 йил давомида геномика, қишлоқ хўжалиги, эрта скрининг ва даволаш бўйича илмий тадқиқотлар олиб борувчи тижорат ва нотижорат компанияларни бирлаштирган йирик корпорацияга айланди.
