Хитойнинг инактивацияланган коронавирус вакцинаси шу йилнинг декабрь ойи охирида бозорга чиқиши мумкин, деб хабар беради РИА Новости Sinopharm давлат корпорацияси директорлар кенгаши раиси Лю Сзинчженга таяниб.
“27 апрель куни Пекин Биология тадқиқот институти инактивация қилинган вакцинанинг клиник синовларини бошлади, 28 июнь куни биринчи ва иккинчи босқич натижалари эълон қилинди, 23 июнь куни Sinopharm Бирлашган Араб Амирликларида халқаро клиник синовларнинг учинчи босқичини бошлади. Учинчи босқич халқаро клиник синовлар тугагандан сўнг, инактивацияланган вакцинани тасдиқлаш босқичига ўтиш мумкин, биз ушбу эмловлар шу йилнинг декабрь ойи охирига қадар бозорга чиқиши мумкинлигини кутмоқдамиз”, деди у.
Унинг сўзларига кўра, 16 февралдан бошлаб корпорация вакцинанинг иммуногенлиги бўйича етти турдаги ҳайвонларда, жумладан оқ каламушлар, сичқонлар, гвинея чўчқалари, макакалар ва қуёнларда тадқиқот ўтказишни бошлади ва вакцинанинг самарадорлигини синовдан ўтказди. Кейин вакцина кичик бир гуруҳ одамларда синовдан ўтказилди, шундан сўнг клиник тадқиқотлар бошланди.
Шу билан бир қаторда, параллель равишда Ухан биология илмий-тадқиқот институти томонидан инактивация қилинган вакцинанинг тадқиқ қилиш олиб борилди, у ерда клиник синовларнинг биринчи ва иккинчи босқичлари 12 апрелда бўлиб ўтди. Лю Сзинчженянинг сўзларига кўра 16 июнь куни эълон қилинган натижалар, вакцинанинг хавфсизлигини кўрсатмоқда. Эмлашдан кейин жиддий ён таъсир сезилмаган, организм антитаначалар ишлаб чиқарган.
