Оқ-қора рангдаги суратда сайёранинг чўл манзаралари, марсоходнинг излари кўриниб турибди. Ускуна уч ойлик миссия доирасида қизил сайёранинг сиртини ўрганмоқда. Zhurong Марснинг геологик тузилишини, атмосфераси ҳамда тупроғини ҳам ўрганади. Шунингдек, марсохонд сайёрада ҳаёт изларини топиши, сув ёки музликлар бор-йўғлигини аниқлаши керак.
Аввалроқ Хитой миллий коинот бошқармаси Марснинг сариқ-жигарранг чўли, водийлари ҳамда кичик кратерларининг видеотасвирини эълон қилган эди.
