Хитойлик шифокорлар 19 ёшли болада Альцгеймер касаллигини аниқлашди. Journal of Alzheimer's Disease маълумотларига кўра, у бундай касалликка чалинган дунёдаги энг ёш беморга айланди.
Одатда 65 ёшдан ошган одамларда Альцгеймер касаллиги ташхиси қўйилади. У хотиранинг йўқолиши, когнитив функциянинг бузиши белгилари орқали намоён бўлади.
Йигит ўзидаги ўзгаришларни 17 ёшида ҳис қила бошлади – у ўқиш пайтида диққатини жамлашда қийналарди. Кейин у қисқа муддатли хотирани йўқотди – у кеча нима бўлганини, шунингдек, нарсаларининг жойлашишини эслай олмади. Бемор ўқиш ва ҳис-туйғуларини ифодалашда қийинчиликларга дуч кела бошлади.
18 ёшида йигит овқат ва сув истеъмол қилиш вақтини эслай олмади, у ўқишни ташлашга мажбур бўлди. Текширув давомида шифокорлар унинг генетик мутацияга эга эмаслигини қайд этишди. Бироқ унда “қариялар касаллиги”нинг эрта хабарчиси бўлган атрофия гиппокамп аниқланди.
Бунгача Альцгеймер касаллигига чалинган энг ёш одам ген мутациясига учраган 21 ёшли бемор эди, дейилади mir24.tv сайтида.
