Ланджоудан (Хитой) юборилган контейнер блок-поезди 30 дона 40 футлик контейнерлардан иборат бўлиб, у автомобил эҳтиёт қисмлари, мебел, канселярия буюмлари, машина ва ускуналардан иборат. Умумий маршрутнинг узунлиги 6500 километрдан ортиқ ва юкнинг умумий оғирлиги 700 тоннадан ошади. Ташув вақти 16-18 кунни ташкил этиши кутилмоқда. Ушбу поезд "Неw Ланд-Сеа Cорридор Оператион Cо., Лтд.", "ЖСТ Логистиcс Cорпоратион Лимитед", "Зҳежианг Унион оф Раилwай Логистиcс" ва "Чина Раилwай Cонтаинер Транспорт Cо., Лтд." компаниялари, шунингдек, "Ўзбекистон темир йўллари" АЖ, "Қирғизистон темир йўллари" МК" ДК ва Афғонистон темир йўл бошқармаси "Афгҳанистан Раилwай Аутҳоритй" томонидан ташкил этилди. Мултимодал коридор бўйлаб ташиш Ланджоу станциясидан Кашгар станциясигача (Хитой) темир йўл орқали амалга оширилади. Кейин юк автомобил йўли орқали Ўш темир йўл станциясига (Қирғизистон) етказилади. Ўш станциясидан Хайратон станциясига яна темир йўл орқали етказиб берилади. Бу ҳақида "Ўзтемирйўлконтейнер" АЖ хабар бермоқда.