Инновацион ҳафталикни ташкил этишдан мақсад, мамлакатимиз хотин-қизларининг инновацион ғоялари, лойиҳа ва ишланмаларини ҳар томонлама қўллаб-қувватлаш, тадбиркорлик ва ихтирочилик фаолиятига кенг жалб қилиш, интеллектуал мулк объектларини ҳуқуқий муҳофаза қилишларига кўмаклашиш, иқтисодиётнинг турли тармоқларида меҳнат қилаётган хотин-қизларнинг фаолиятига инновацион ёндашувни жорий қилишдан иборатдир.
«INNOWOMENWEEK» — хотин-қизларнинг инновацион ҳафталиги доирасида олима ва ихтирочи хотин-қизларнинг инновацион ғоялари, лойиҳа ва ишланмаларини акс эттирган кўргазмалар ташкил этилди.
Университетнинг олима ва профессор-ўқитувчилари, ихтирочи ҳамда талаба хотин-қизлар иштирок этган конференцияда олима ва ихтирочи аёллар сафи кенгайиб бораётгани, уларнинг замонавий ахборот-коммуникация технологияларига асосланган дастурий ишланмалари, инновацион ғоялари, ихтирочилик ва рационализаторлик фаолияти таълим ва илм-фан соҳаси ривожига салмоқли ҳисса қўшаётгани мамлакатимизда хотин-қизларга берилаётган юксак эътибор, яратилган шарт-шароит, кенг имкониятлар самараси эканлигини қайд этилди.
Дилфуза Жарбекова,
Сирдарё вилоят
Оила ва хотин-қизлар бошқармаси
матбуот хизмати раҳбари.
