ХВЖ Ўзбекистон иқтисодиёти 2026 йилда 6,8 фоизга ўсишини прогноз қилмоқда

Молия 17 апр 2026, 17:21 157

Халқаро валюта жамғармаси (ХВЖ) прогнозларига кўра, Ўзбекистон ЯИМ ўсиши 2026 йилда 6,8 фоиз даражасида барқарор сақланиши, 2027 йилда эса тахминан 6 фоизгача секинлашиши кутилмоқда.

Бу ҳақда апрель бошида мамлакатда бўлган ХВЖ миссияси ташрифи якунлари юзасидан эълон қилган хулосасида маълум қилди.

ХВЖ 2025 йилда Ўзбекистонда ЯИМ ўсишини 7,7 фоиз даражасида баҳолади. Бу, ташкилотга кўра, барқарор истеъмол ва инвестициялар билан изоҳланади. Айни пайтда, хизматлар ва қурилиш соҳаларида жадал суръатларда ўсиш кузатилди.