Инсайдер Фабрицио Романонинг ёзишича, «Ал-Фaтx» клуби чилилик 34 ёшли ҳужумчига йиллик 10 миллион евро маошли 2 йиллик шартнома таклиф қилган. Саудияликлар расмий таклифга жавобни кутмоқда. Чилилик футболчи таклифни қабул қилмоқчи.

Санчес 2022 йил ёзида «Интер»дан эркин агент сифатида Франция клубига ўтганди. Унинг «Марсел»даги маоши 2,5 млн еврони ташкил этади. Алексис қишда «Галатасарой»нинг йиллик 4 млн евро маошли таклифини рад этганди.

Бундан олдинроқ эса, Карим Бензема Саудиянинг "Ал Иттиҳод" клубига ўтганди.

35 ёшли франциялик футболчи Саудия Арабистони клуби билан 3 йиллик шартнома имзолаган. Футболчи янги клубида 200 миллион евро маош олади. Бунга қадар Бензема 14 йил мобайнида "Реал" шарафини ҳимоя қилди.

Журналист Руди Галетти ўзининг Твиттердаги саҳифасига ярим ҳимоячи Нголо Кантенинг "Ал Иттиҳод" формасидаги суратини юклаганидан кўринадики, у ҳам араб лигасига ўтишга яқин. У 1 июль куни "Челси" билан шартномаси якунига етиб, эркин агентга айланиши кутилаётган футболчи Саудия Арабистони клуби билан шартнома имзолаб улгургани ҳақида хабар берди. 

Келишув тафсилотлари ҳозирча маълум эмас.