Корея Республикаси Президенти Мун Чже Ин коронавирусга қарши АстраЗенека компаниясининг вакцинаси билан эмланди. Бу ҳақда давлат раҳбари маъмуриятига асосланиб хабар берилган.
Эмлаш жараёни Президент қароргоҳи яқинида жойлашган Сеул марказидаги туман поликлиникасида амалга оширилган.
Қайд этилишича, Мун Чже Ин жорий йил 11-13 июн кунлари Буюк Британияда бўлиб ўтадиган Г7 саммитига боришга тайёргарлик доирасида коронавирусга қарши эмланган.
Маълумот ўрнида, 18 март куни Грузия Президенти Саломе Зурабишвили ҳам коронавирусга қарши АстраЗенека вакцинаси билан эмланганди.
Эслатиб ўтамиз, Ўзбекистонга ҳам 660 минг доза КОВИД-19 га қарши АстраЗенека вакцинаси олиб келинган.
