Жаҳон соғлиқни сақлаш ташкилоти ер юзида вабо касаллигининг тарқалиш хавфи жуда юқори экани ҳақида ҳисобот берган. “2023 йил 11 февралдан глобал вазият ёмонлашмоқда. Эпидемия қайд этилган мамлакатлар сони яна 4 тага кўпайиб, жами 24 тага етди”, дейилади ЖССТ ҳисоботида.
Вабодан жабр кўрган давлатларнинг аксарияти Африка ва Яқин Шарқ минтақасида жойлашган. Мутахассислар март ойида кузатиладиган "Фредди" тропик циклони туфайли энди Малави ва Мозамбикда вазият ёмонлашиши мумкинлигидан хавотирда.
Ўз навбатида, халқаро экспертлар вабога чалинганлар ўртасида ўлим даражаси сезиларли даражада ортганини маълум қилди, дея хабар бермоқда Соғлиқни сақлаш вазирлиги матбуот хизмати.
