Бироқ, Самарқанд вилоят Қурилиш соҳасида ҳудудий назорат инспекцияси томонидан ушбу уйга аҳоли фойдаланиши учун ижобий хулоса берилган.
Вазирлар Маҳкамасининг 2022 йил 20 апрелдаги қарорининг 6-иловаси билан тасдиқланган Маъмурий регламентнинг 4-банди "е" кичик қисмига асосан кўп квартирали уйларни фойдаланишга қабул қилиш жараёнида талабларга жавоб бермаган объектларнинг (лойиҳа ҳужжатларига мувофиқлиги) юзасидан Уй-жой фонди инспекциясининг салбий хулосаси инобатга олинмасдан, Самарқанд вилоят Қурилиш соҳасида ҳудудий назорат инспекцияси томонидан фойдаланишга қабул қилингани маълум бўлди. Ваҳоланки, Уй-жой коммунал хизмат кўрсатиш вазирлиги ҳузуридаги Уй-жой фонди инспекцияси мазкур кўп қаватли уйни қуйидаги сабабларга кўра фойдаланишга қабул қилишни рад этган эди:
- объектнинг қурилиш ишлари якунланмаганлиги (фасад қисми пардозланмаганлиги);
- ободонлаштириш ишлари амалга оширилмаганлиги;
- лойиҳада кўзда тутилган болалар майдончаси мавжуд эмаслиги ва бошқа камчиликлар.
Битмаган уйга кўчиб кирган аҳоли бу ердаги муаммоларни бартараф этиш учун эшикма-эшик кириб чиқиб чарчаши табиий. Жабрини битмаган уй олган оддий одам тортади.
Маълумот учун: охирги уч ойда Уй-жой фонди инспекцияси пудрат ташкилотлари томонидан қуриб фойдаланишга топширилган 165 та уйдан:
- 80 тасига ижобий хулоса берган;
- 13 таси ўрганиш жараёнида;
- 72 таси тўлиқлигича битказилмасдан фойдаланишга топшириш учун ариза йўллангани учун рад этган.
