Бош вазирнинг сўзларига кўра, мамлакатда май ойининг ўрталарига келиб инфекцияга чалинганлар сони бироз камайган. Шунга қарамай, Япониянинг кўпгина ҳудудларида беморларни даволаш учун жойларнинг етишмаслиги кузатилган. Айрим аҳоли масканларида касаллик аломатлари анча ортган. Лекин вазиятни ҳамиша назоратда ушлаб туриш, тўрт йилликнинг нуфузли мусобақасини кўнгилдагидек ўтказиш ҳукуматнинг асосий вазифаси бўлиб қолмоқда.
Япония ахборот воситалари тарқатган хабарларда айтилишича, шу кунгача фуқароларни ковидга қарши вакцина билан эмлаш ишлари жадаллик билан олиб борилмоқда. Вакцина қабул қилган фуқаролар кунлик ҳолатда 400 минг нафар кишини ташкил қиляпти. Бу, умумий аҳоли сонига нисбатан шу кунгача 3 миллион киши, яъни аҳолининг 2,4 фоизи касалликка қарши тўлиқ эмланган деганидир. Мамлакатнинг Токио ва бошқа шаҳарларида эмлаш марказлари ташкил этилган. Ҳукумат жорий йилнинг июль ойининг охиригача 65 ёш ва ундан катта бўлган 36 миллион фуқарони касалликка қарши вакциналар билан эмлашни режалаштирган.
Бош вазир Шуганинг фикрича, мамлакатга олимпия ўйинларини кўриш учун келадиган хорижий туристларга ўйинларни кўришга тақиқ қўйилган бир пайтда бу ҳаракатлар натижасида Япония аҳолисининг Токио олимпиадасини бевосита стадионлардан томоша қилиш даражасига эришиш.
Эслатиб ўтамиз, Токиода ўтадиган олимпия ўйинларининг тантанали очилиш маросими жорий йилнинг 23 июлида бўлиб ўтади.
Тўлқин РЎЗИЕВ.
