Унга кўра, ҳайвон 73 ёшли аёлга ҳужум қилган, у кўплаб жароҳатлар билан зудлик билан шифохонага ётқизилган. Муассаса ходимларидан ҳеч бири айиқнинг ичкарига кирганини кўрмаган, бироқ унинг ҳужум қилган пайти кузатув камераларига тушиб қолган. Воқеа жойига полиция ва қутқарув хизматлари етиб келганида, ҳайвон аллақачон объектни тарк этган эди.
Сўнгги ойларда Японияда турар-жойларда айиқлар билан боғлиқ ҳодисалар тез-тез содир бўлган. Июль ойида ёввойи ҳайвон Ямагата префектурасидаги аэропорт ҳудудига айланиб ўтган, аэропорт маъмурияти учиш-қўниш йўлагини вақтинча ёпишга мажбур бўлган. Ўтган ойда мамлакатда одамларга айиқларнинг бир неча ҳужуми қайд этилган.
Японияда ҳар йили турар-жойларда айиқлар билан боғлиқ 200 га яқин ҳодиса қайд этилади. Ушбу ҳолатларнинг баъзилари одамларнинг ўлимига ва жароҳатлар олишига сабаб бўлади. Кўпинча бахтсиз ҳодисалар тоғли ҳудудларда ва ўрмон зоналари яқинида жойлашган қишлоқ жойларда ва шаҳарларда содир бўлади, деб хабар беради tass.ru.
