SoftBank компаниясининг Pepper роботи Гиннеснинг рекордлар китобига дунёдаги илк оммавий ишлаб чиқарилган гуманоид сервис роботи сифатида киритилди.
Япон бозорида Pepper роботининг дебюти илк бор 2014 йил июнь ойида бўлди. Баландлиги 121 сантиметр бўлган гуманоид робот одамлар билан оғзаки мулоқот қилади ва савдо марказларида, ресторанларда, мактабларда ва қариялар уйида кенг қўлланилади. Кейинчалик SoftBank сунъий интеллект билан жиҳозланган Pepper+ версиясини ишга туширди.
“Биз роботларимизнинг имкониятларини кенгайтиришни давом эттирамиз”, деб таъкидлади SoftBank компанияси.
Таъкидлаш жоизки, роботни сотиб олиш имкони мавжуд эмас, уни фақат SoftBankдан ижарага олиш мумкин. Йиллик ижара ойига 43 780 иена (282 доллар), ойлик ижара эса 76 780 иена (494 доллар) ни ташкил қилади, деб хабар берди oz.inform.kz.
