Қайд этилишича, бугунги кунда юртимизда 1 миллион 660 минг дона ўзбекистонлик ва хитойлик мутахассислар ҳаммуаллифлигида яратилган ZF-UZ-VAC 2001 ҳамда COVAX фонди томонидан олиб келинган AstraZeneca вакциналари мавжуд.
Бироқ яқинда яна 1 миллион дозада Россияда ишлаб чиқарилган “Спутник V” вакцинаси ва COVAX глобал ҳамкорлиги доирасида келтирилаётган AstraZeneca вакцинасининг иккинчи қисми мамлакатимизга олиб келинади. Бошқа турдаги эмлаш воситаларини ҳам Ўзбекистонга олиб келиш бўйича ҳамкорлик давом этмоқда.
Бундан ташқари, олимларимиз вакцина ишлаб чиқариш бўйича изланишларни мунтазам давом эттирмоқда.
Айни кунларда мамлакатимизда коронавирус инфекциясига қарши эмлаш жараёни фаол олиб бориляпти. Шу вақтга қадар қарийб 370 минг нафар юртдошларимиз вакцина қабул қилишган.
Йиғилишда вакцинацияга аҳоли эътиборини кучайтириш бўйича топшириқлар берилди.
