Футбол тарихи ва статистикаси халқаро федерацияси – IFFHS 2022 йилнинг энг яхшиларини эълон қилди.
Аргентина билан жаҳон чемпионлигини қўлга киритган ҳужумчи Лионель Месси энг яхши футболчи деб топилди. У 275 очко жамғарган. Кучли бешликдан Килиан Мбаппе (“ПСЖ”, Франция, 35 очко), Карим Бензема (“Реал”, Франция, 30 очко), Лука Модрич (“Реал”, Хорватия, 15 очко), Эрлинг Ҳоланд (“Манчестер Сити”, Норвегия, 5очко) ҳам жой олди.
“Реал” дарвозабони Тибо Куртуа эса энг яхши дарвозабон сифатида эътироф этилди. 125 очко тўплаган Тибо ўтган йили “Реал” таркибида ЕЧЛ ғолиби бўлган эди.
Дарвозаболар баҳсида кучли бешликда Кутуадан кейинги ўринларни Эмилиано Мартинес (“Астон Вилла”, Аргентина,110 очко), Яссин Буну (“Севилья”, Марокаш, 55 очко), Доминик Ливакович (“Динамо” Загреб, Хорватия, 30 очко), Уго Льорис (“Тоттенҳэм”, Франция, 25 очко) банд этди.
