Ўзбекистон Республикаси Президенти Администрацияси раҳбарининг ўринбосари Комил Алламжонов АҚШнинг Ўзбекистондаги элчиси Жонатан Хеник билан учрашди.
Қайд этилишича, учрашувда турли лойиҳалар бўйича фикр алмашилган. Хусусан, Google (YouTube) компанияси билан ҳамкорлик алоқаларини йўлга қўйиш ва бу орқали ахборот соҳасига оид айрим муаммоларни биргаликда ҳал этиш масалаларини муҳокама қилинган.
Таъкидланишича, кўплаб блогерлардан YouTube монетизациясининг чекланиши юзасидан мурожаатлар келиб тушган. Шу боис учрашувда элчи билан ушбу компания вакиллари билан учрашув ташкил этиш ва вазиятни ўрганиш бўйича келишиб олинган. Бу ҳақда Комил Алламжонов ўзининг Телеграм каналида хабар бермоқда.
