ЮНИСЕФ Жамоатчилик билан алоқалар бўлимидан маълум қилинишича, ушбу жиҳозлар янги туғилган чақалоқлар ва ёш болаларга шошилинч тиббий ёрдам кўрсатиш учун мўлжалланган.
- Руминия ҳукумати Ўзбекистонда соғлиқни сақлаш тизимини мустаҳкамлаш бўйича чора-тадбирларни амалга оширишни қўллаб-қувватлашга қарор қилди. Шу муносабат билан Сурхондарё вилоятидаги болалар вилоят шифохонасини тиббий асбоб-ускуналар билан таъминлаганимиздан мамнунмиз”, - деди Руминиянинг Ўзбекистон Республикасидаги элчиси Даниел Кристиан Чобану. - Умид қиламизки, бу ҳисса ушбу ҳудуддаги болаларга ўз вақтида ва сифатли тиббий хизмат кўрсатишга ҳисса қўшади.
Руминия элчихонасининг молиявий кўмаги билан ЮНИCEФ тиббий асбоб-ускуналар сотиб олиб етказиб берди. Бу тиббий ёрдам сифатини ошириш ва аҳолига бошқа республика ва минтақавий муассасаларга мурожаат қилмасдан жойларда малакали ёрдам олиш учун кенг имкониятлар яратади.
- Янги туғилган чақалоқларни реанимация қилишда замонавий тиббий асбоб-ускуналар, диагностика воситалари, тиббий асбоблар, шунингдек, тез тиббий ёрдам машиналаридан фойдаланиш аёллар ва болаларга тиббий хизмат кўрсатишда универсал қамровга эришишга ёрдам беради, - деди Ўзбекистон Республикаси соғлиқни сақлаш вазири Беҳзод Мусаев. - Бунда аҳолининг энг ижтимоий ҳимояга муҳтож қатламларига алоҳида эътибор қаратилади.
Ҳамкорлар билан биргаликда Соғлиқни сақлаш вазирлиги ва ЮНИCEФ аҳолининг барча қатламларига сифатли тиббий хизматлардан фойдаланишда тенг имкониятларни таъминлаш, шунингдек, фавқулодда вазиятларга тайёр туришда ҳамкорлик қилмоқда. Бу йўналишлар бўйича тадбирларни амалга ошириш учун ЮНИCEФ томонидан Сурхондарё вилоятига 6 та тез тиббий ёрдам машинаси етказиб берилди.
- Болалар ва аёлларнинг ижтимоий ҳимояга муҳтож қатламлари учун тиббий хизматлар қамровини ошириш билан бирга соғлиқни сақлаш тизимининг фавқулодда вазиятларга тайёргарлигини ошириш муҳим аҳамиятга эга, - деди ЮНИCEФнинг Ўзбекистондаги ваколатхонаси раҳбари Мунир Мамедзаде. - Ишончимиз комилки, замонавий тез тиббий ёрдам машиналаридан фойдаланиш аҳолига тез тиббий ёрдам кўрсатишни яхшилашга хизмат қилади.
