Режага кўра, спортчиларимиз 12-18 январь кунлари Хорватия пойтахти Загреб шаҳрида ўтказиладиган "Gran Prix Zagreb Open-2021" турнирида иштирок этишади. Бу юнон-рум кураши бўйича терма жамоамизнинг бир йиллик танаффусдан сўнг қатнашадиган дастлабки халқаро мусобақаси ҳисобланади.
Загреб турнири якунига етиши билан Хорватиянинг Пореч шаҳрида халқаро ўқув-машғулот йиғини бошланади. "Gran Prix Zagreb Open-2021" мусобақасида қатнашган аксарият терма жамоалар 18-29 январь кунлари оралиғида ўтказиладиган ушбу халқаро машғулотларда ҳам иштирок этишни режалаштирган.
Шунингдек, Загреб Гран-присида ҳамюртимиз, Халқаро тоифадаги рефери, «Олтин ҳуштак» соҳиби Тоҳир Ғуломов ҳакамлик қилади.
Маълумот учун, айни пайтда юнон-рум курашчиларимиз томонидан Токио Олимпиадасига 3 та лицензияси қўлга киритилган. 2019 йил Қозоғистоннинг Нур-Султан шаҳрида ўтган жаҳон чемпионатида Элмурат Тасмурадов, Жалгасбай Бердимуратов ва Рустам Ассакалов Олимпиада йўлланмасига сазовор бўлишган эди.
Хорватияга миллий терма жамоамиз қуйидаги таркиб билан йўл олди:
-55 кг: Жасурбек Ортиқбоев, Илҳом Баҳромов
-60 кг: Исломжон Баҳромов, Феруз Тўхтаев
-63 кг: Элмурат Тасмурадов
-67 кг: Маҳмуд Бахшуллоев
-72 кг: Арам Варданян
-77 кг: Жалгасбай Бердимуратов
-97 кг: Жаҳонгир Турдиев
-130 кг: Мўминжон Абдуллаев
Мураббийлар - Равшан Рўзиқулов, Рустам Қудратов, Заза Силагадзе
Ҳакам - Тоҳир Ғуломов
Массажчи - Узроб Турсуналиев
