Россия Федерациясининг қатор иш берувчилари билан имзоланган келишувларга асосан 26 нафар юртдошимиз Тошкент – Москва йўналишидаги авиарейс орқали вақтинчалик меҳнат фаолиятини амалга ошириш учун ташкилий тартибда Москва шаҳрига жўнаб кетди.
Шу куни 4 нафар юртдошимиз Тошкент – Қозон авиарейси билан Татаристон Республикасига юборилди.
Шунингдек, иш берувчи корхона вакиллари иштирокида ўтказилган танловлардан муваффақиятли ўтган 38 нафар фуқаролар Наманган халқаро аэропортидан Москва шаҳрига кетди.
Урганч – Краснодар йўналишидаги авиарейс орқали иш берувчи корхона вакиллари иштирокида ўтказилган танловлардан муваффақиятли ўтган 88 нафар фуқаро Урганч халқаро аэропортидан ташкилий тарзда жўнатилди.
Хорижга вақтинчалик меҳнат фаолиятини амалга ошириш учун кетаётган фуқаролар билан одам савдосининг салбий оқибатлари ва унга қарши курашиш бўйича тарғибот-ташвиқот ишлари олиб борилди. Уларга тарқатма материаллар берилди, деб хабар беради Ташқи меҳнат миграцияси агентлиги матбуот хизмати.
