Бу ҳақда Фавқулодда вазиятлар вазирлиги маълум қилди.

Қайд этилишича, ижтимоий тармоқларда Ҳазорасп туманида батут ағдарилиб кетгани ҳақида хабарлар тарқалган. Расмий маълумотга кўра, мазкур ҳолат оқибатида жабрланганлар йўқ.

Айни вақтда Фавқулодда вазиятлар вазирлиги ҳамда тегишли хизматлар томонидан ҳудудлардаги вазият назоратга олинган бўлиб, оқибатларни бартараф этиш ишлари олиб борилмоқда.

Фуқаролардан кучли шамол вақтида эҳтиёткор бўлиш, дарахтлар, енгил конструкциялар ва реклама воситалари яқинида тўпланмаслик сўралди.