Бу ҳақда Тошкент шаҳрида Йўл ҳаракатини ташкил этиш маркази маълум қилди.

Қайд этилишича, йўналиш эрталабки тирбанд вақтда — соат 07:00 дан 08:00 гача ҳаракат қилади. Бунинг учун 4 та катта сиғимли автобус жалб этилади.

Автобуслар талабаларни «Мирзо Улуғбек» метро бекати олдидан олиб, қуйидаги йўналиш бўйича ЎзДЖТУга етказади:

— «Мирзо Улуғбек» метро бекати;
— Тахтагул;
— ТҲАЙ;
— Лутфий;
— Кўкча Дарвоза;
— Заковат кўчалари;
— ЎзДЖТУ.

Айни пайтда талабаларнинг катта қисми университетга бориш учун «Чилонзор» метро бекатигача етиб келиб, кейин автобусларга ўтади. Бу эса эрталабки тирбанд вақтда мазкур йўналишларда жамоат транспортига тушадиган юкламани оширади.

Янги вақтинчалик йўналиш талабаларга «Мирзо Улуғбек» метро бекатидан университетга тўғридан-тўғри етиб бориш имконини беради. Шунингдек, «Чилонзор» метро бекати ва унга туташ жамоат транспорти йўналишларидаги юкламани камайтиришга хизмат қилади.

Эслатма: автобуслар фақат эрталабки тирбанд вақтда — 07:00 дан 08:00 гача қатнайди.